反對派前立法會議員黃碧雲服完28日刑期，但惜逢遇著新冠確診，差啲要踎多一日！黃碧雲喺帖文度表示，尋日（9日）已服完擾亂議會相關罪行嘅4周刑期，辦完出獄手續後，由於佢快測啱啱轉陰，根據防疫要求，佢著晒全副武装（防護服），由兩名「大白」送佢出去，然之後順利回家。
黃碧雲喺帖文度補充，其實佢已經好返，但由於5日隔離令，原本按照規定佢仲差一日，本來以為要送去竹篙灣住多一日。但好好彩，獲衛生署批准，畀佢提前一日可以返屋企。
黃碧雲話，呢廿八日以嚟，佢遇到嘅囚友都好nice，仲同佢「互相照應和打氣」。佢被編咗去皮鞋廠工作，「專責擦鞋」咁話喎。
其實黃碧雲呢次出獄只係畀佢唞啖氣，佢都明白，嚟緊仲有非法初選案等緊佢。雖然係咁，但佢都希望「此生都不用再返羅湖」云云。
黃碧雲唔想再返羅湖，唔通想試下踎赤柱？究竟之後佢會去邊，咁就真係到時先知啦！
原圖：黃碧雲Facebook
投票已截止，多謝支持
返回
