當眾擾亂秩序，必須究責！去年11月，深水埗一車房涉嫌喺車房外嘅街道上違泊多架私家車被抄牌，4名車房職員見狀隨即向交通督導員進行挑釁及辱。有關影片引起社會嘩然。4人事後被拘捕，被控一項「在公眾地方作出擾亂秩序的行為罪」。佢哋今日（5日）獲准各以$2000簽保守行為18個月，隨後裁判官香淑嫻撤銷4人控罪。

4人年齡介乎28歲至32歲，包括涉事車房老闆文仲賢及3名車房職員。去年11月22日早上喺深水埗楓樹街，4人因不忿車房車輛違泊街上被抄牌，遂上前同交通督導員對質，期間並粗言辱罵。

違例泊車本身就唔啱，但呢4個人仲聲大夾惡辱罵執法嘅公職人員！希望佢哋好自為之，唔好再犯！

原圖：星島日報

https://std.stheadline.com/realtime/article/1897013/