「甚麼是國家安全，完全由美國人自己定義！」美國打壓中國晶片製造業無所不用其極，早已係人所共知嘅事。荷蘭晶片光刻機製造巨頭ASML嘅CEO溫彼得（Peter Wennink）13日接受《新鹿特丹商業報》訪問，公開對美國嘅對華出口限制政策表示不滿。

溫彼得批評，美國嘅光刻機製造商可以向中國客戶出售佢哋最先進嘅晶片，但ASML卻只可以出售舊嘅設備畀中國，質疑此舉「矛盾」！溫彼得又表示，中國市場佔ASML銷售額15%，但美國半導體設備供應商在中國的銷售額就有25%，甚至有時可以多於30%。溫彼得又嘅嘆：喺美國嘅壓力下，我哋放棄嘅已經夠多！

美企可以賣 荷企卻不能？

美國為咗限制中國獲得先進晶片及光刻機設備，近期不斷向荷蘭、日本等盟友施壓，要求呢啲國家限制先進晶片及製造設備出口去中國。對此，中國12日喺世貿對美國嘅對華晶片出口限制措施提出訴訟。中方表示喺世貿對美提出訴訟，係通過法律手段捍衛自身合法權益嘅必要方式。

今次事件其實係美式霸權嘅又一次露餡！為咗遏制中國，美國損人利己，無所不用其極，其實都唔係第一次。所以今次荷蘭ASML CEO嘅反應，完全可以理解！一句到尾：落後就要捱打！撐祖國科技自強！

原圖：AMSL網站、素材網