若想去外國生活，「留學」一向是最簡單嘅長期簽證方法，不過遲啲去英國可能冇咁易囉！英媒《泰晤士報》早前報道，指首相辛偉誠正打算提高外國留學生的門檻限制；改成想去英國留學，須先獲當地頂尖大學錄取。即是若想借由報讀「低質量」課程申請留學的，就冇份喇！

英國移民近年數量激增，根據英國國家統計局的數據，去年6月至今年6月呢一年裡頭，移民英國人數逾50萬，創歷史新高。統計數據亦指出，喺發放畀非歐盟國家居民嘅長期簽證中，經由留學簽證入境英國人數近四成，佔比例最多。移民數量過多，相信衍生咗唔少問題。報道指，英國政府正準備推出相關措施減少淨移民數量；其中包括擬限制外國學生嘅來英陪讀家屬數量。

過去可能有啲人求其搵間野雞大學、報讀啲冷門冇人爭嘅課程，就申請去英國嘅留學簽證。新措施一旦落實，可能就冇呢支歌仔唱喇！未知相關措施是否對港人同樣生效，不過做定準備都冇嘢嘅！黃友們，想留學就要畀心機讀書喇！哈哈！

原圖：辛偉誠twitter、素材網

https://twitter.com/RishiSunak/status/1591792309456306176