香港回歸已經25年，但有啲領域仍然有濃烈嘅英殖時期色彩，例如香港嘅區域法院同高等法院嘅法官，依然要戴英殖時期嘅法官假髮。呢個問題喺社會上一直都有人質疑，但至今仍然未有實質性嘅改變。尋日（7日），立法會司法及法律事務委員會召開會議商討司法人員加薪事項，吸引更多人才加入香港司法系統。本身係律師嘅立法會議員何君堯就藉住機會提出，香港嘅司法人員要表現出「現代化」嘅一面，其中衣着打扮好重要。何議員仲話，唔明點解香港法官仲要戴以前嘅英式假髮，可謂問出唔少香港人嘅心聲！

何君堯呢個質疑可謂擲地有聲，但遺憾地在場人士冇就呢個問題作出回應。好明顯，法官戴假髮承傳了英國司法機構過去多年嘅傳統，現在，香港已經回歸祖國25年，假髮明顯對香港司法體系沒有任何實質性嘅影響，咁點解仲要繼續保留呢個所謂「傳統」呢？據了解，有唔少運行緊普通法嘅國家例如新加坡，前首席大法官楊邦孝1990年一上任，就廢除咗沿用多年嘅英式假髮。相比之下，香港喺呢方面真係滯後咗好多。

講得好！香港已經係中國嘅香港，行使一國兩制，喺保持制度優勢嘅情況下，喺文化方面好應該回復返獨有嘅中國特色，支持何君堯議員！

想知更多詳情，就記得睇由幫港出聲及HKG報聯合製作嘅新節目《說聞解理》，第一期嘅議題係「香港司法去英化」：

https://youtu.be/h2h-qvQQEhg

原圖：星島日報

https://std.stheadline.com/realtime/article/1626799/