第14屆珠海航展（中國航展）聽日（8日）開幕！中國空軍新聞發言人申進科大校尋日（6日）預告，包括殲-20在內嘅50型中國新時代空軍武器裝備將會登場，向世界展現中國現代化空軍嘅建設成果！據報道，除殲-20外，曾經有份參與8月台海軍演嘅運油-20加油機都會亮相。

作為中國現役最先進嘅第五代隱形戰機，殲-20嘅一舉一動備受外界關注。為確保航展表現順利，殲-20尋日已進行檢驗性飛行。據了解，今次亦係殲-20第一次降落珠海機場進行展示。

至於運油-20加油機，係中國自主研製生產嘅第一款大型加油機，可有效增強中國空軍遠程機動能力，大大提升空軍長途作戰能力，而且仲可以同運-20飛機一樣，可進行空中投送任務。

一同期待珠海航展嘅中國空軍武器裝備，令大家眼前一亮！

原圖：文匯報

https://www.wenweipo.com/a/202211/07/AP63684ef5e4b016f20c8223f2.html