俄烏戰事自今年2月24日爆發以來，美國起初對烏克蘭寄望甚殷。

美國積極介入俄烏戰事

喺4月下旬，美國總統拜登致信美國國會，要求批准總額達330億美元嘅「2022財年緊急補充資金」，以對烏克蘭進行軍事、經濟和人道主義援助。

之後，喺五一國際勞動節前一天，82歲嘅美國眾議院議長佩洛西不辭勞苦，帶領其6位國會議員，對烏克蘭進行咗3個小時嘅閃電式訪問。佩洛西係自俄烏衝突以來到訪烏克蘭嘅美國最高級別官員。用美國媒體嘅話說：呢次訪問標誌着美國最高領導層支持烏克蘭嘅重大承諾。

美國想贏得戰爭，當然不會忘記盟友。4月24日，與美國國務卿布林肯一起訪問基輔後嘅美國國防部長奧斯汀，在短暫停留波蘭之後趕赴德國；4月26日，奧斯汀與美軍參聯會主席米利，喺美軍駐德國嘅拉姆施泰因空軍基地會合，召集咗一次有40多個國家代表參加軍援烏克蘭嘅閉門會。

筆者不厭其煩重提俄烏爆發衝突以來，美國積極介入嘅大略情況，正如英國《經濟學人》對美國嘅判斷：美國正在支持這様嘅理念，即烏克蘭不僅能「存活」，還要以擊敗俄羅斯嘅勝利者存在。

然而，事與願違，俄羅斯嘅普京何許人也！美國一味加強力度嘅制裁，事實證明全失效。國際能源署估計，俄羅斯石油出口仍然可觀，俄羅斯今年嘅經常賬戶盈餘預計將達到2650億美元，僅次於中國。所以話，人算不如天算！更何況，美國已非昔日登高一呼，眾山響應時嘅大阿哥氣勢！連沙特阿拉伯都唔肯聽佢支笛減產石油可略窺一二！

烏克蘭長貧難顧

正如有論者指出，俄烏之戰，烏克蘭長貧難顧，一個國家靠乞，永遠抬不起頭，更遑論可以成王者榮耀！俄烏戰事拉鋸，只有不利烏克蘭，尤其歐洲嘅寒冬愈迫近，愈對烏國不利。據民調，歐洲老百姓嘅思想正在悄然發生變化，那就係對制裁俄羅斯嘅支持不再那麼堅定，對「挺烏抗俄」不再那麼「熱血沸騰」，對自己家庭嘅生計前景也不再那麼樂觀。

法國嘅民意調查指四分三嘅法國人認為，歐洲對俄制裁事倍功半，對迫使普京結束戰爭毫無效果，過半數人甚至認為對烏克蘭嘅財政和軍事援助冇產生任何期待嘅效應。至於德國，民調亦顯示逾八成受訪者擔心戰事若持續下去，他們會失去工作，成為戰爭嘅犧牲品。收入逾高，擔心失去工作嘅人比例越高。

呢，都係發展經濟最實際，據悉德國總理朔爾茨和法國總統馬克龍將於今個月分別訪問北京，並與中國國家主席習近平會晤。法德兩位領袖不遠千里而來，唔通淨係諗住去登萬里長城做好漢咩？天下熙熙皆為利來，明喇！

原圖：拜登twitter、素材網

https://twitter.com/POTUS/status/1587436902122196995/photo/1