為培養學員嘅愛國情懷，香港警察學院連續3個周末舉辦「中式隊列導師研習班」，教導77名導師中式步操訓練。呢個為期6日嘅「導師研習班」，分為基礎、進階及專題研習3個階段，其中基礎步操訓練包括中式步操嘅基本動作，進階訓練包括正步、軍旗掌持、方隊列陣等，專題研習會教授國旗、國歌及區旗嘅相關法規，同埋中式升旗禮、降旗禮嘅程序同技巧。希望能夠加深佢哋對中式步操嘅認識同技巧，幫助學員加強國民身份認同。

警察學院操練及槍械訓練總督察盧宜頌表示，相信參加研習班嘅學員能夠更深入認識中式隊列嘅精神同技巧，提升各導師掌握中式步操技巧同訓練，從而將中式步操應用喺青少年訓練同活動中，以強化青少年嘅團隊精神、紀律、毅力及國民身份認同。佢仲話，警察學院將會定期舉辦「中式隊列導師研習班」及相關活動，展現警隊推動社群參與嘅誠意同決心。

至於參與研習班嘅77位學員，分別來自8個制服團體及相關機構，包括少年警訊領袖團、香港童軍總會、香港女童軍總會、醫療輔助隊、民安隊、香港建造學院、香港交通安全隊、香港海事青年團。

警察學院一向致力推動青少年工作，希望能夠藉着今次嘅研習班，加強青少年對國民身份嘅認同感，以及培養佢哋嘅愛國情懷！

原圖：頭條日報

https://hd.stheadline.com/news/realtime/hk/2381292/