美國有正經嘢唔做，最叻專門玩抹黑，香港持續成為受害者。熱衷污衊中國嘅美國國會及行政當局中國委員會（CECC）又出嚟刷存在感，佢4日出咗份所謂「特別報告」，指責香港喺實行《香港國安法》後，市民失去自由，而香港呢座城市亦淪為「恐懼之都」喎。港府梗係唔會啞忍，5日晚發聲明鬧爆表示，港府嘅行動都係按照法律法規，而對香港人嚟講，提高國家安全意識絕對係天經地義！港府講得好！

呢份「特別報告」原來都有主題——「香港公民社會」，仲有撐66頁紙咁長，真係辛苦咗作文嘅政棍喇。報告滿篇都係唱衰香港，話香港喺2019年「反修例運動」達致公民社會水平嘅頂峰，自此開始回落，一切原因怪晒2020年實施嘅《香港國安法》度。哈哈哈哈，原來美國覺得黑暴、掟磚、掟汽油彈、襲擊平民、用暴力扼殺異見係頂峰，小編祝願美國日日都處於呢種公民社水平嘅頂峰呀！

份報告仲懶係有代表性咁訪問咗42位曾喺公民組織或立法會任職過嘅人，其中報告採納使用嘅訪問內容有33個人，大多數都位於海外，並引用一名受訪者嘅話，指香港整個社會都籠罩著恐懼。呵呵，唔使問都知，美國政棍最鍾意聽黃友嘅聲音，因為黃友代表美國發聲呀嘛。

對於這份高質報告，港府嚴正批評佢嘅內容偏頗，具有誤導性，同埋冇實施依據。港府重申，政府部門採取執法行為係依足法律，並冇逾越法律之行為。港府守護《香港國安法》，直言這道法例充分保障人權，對於各組織機構的正常交流絕不干預。而作為香港居民，學習國家安全知識、培養相關意識是共同義務，也是天經地義。

美國作為霸權主義的踐行者，在顛倒是非黑白方面實在耍家，一而再再而三地抹黑、詆毀《香港國安法》。但千搞萬搞先搞出一份如此高質的報告，小編勸美國都係慳啲啦！

原圖：拜登、CECC Twitter、星島日報

https://twitter.com/JoeBiden?ref_src=twsrc%5Egoogle%7Ctwcamp%5Eserp%7Ctwgr%5Eauthor

https://twitter.com/CECCgov/photo

https://image.stheadline.com/f/1500p0/0x0/100/st/8687a9a22b2a6215be2a1341ef0ee353/stheadline/inewsmedia/20200808/_2020080812521731954.jpg