英國經濟跌入深淵，隨時可能影響到BNO港人入籍？英國內相柏斐文日前就開始放口風，話過多嘅低技術移民同留學生對英國挽回經濟困局無助，未來或會削減呢方面嘅移民云云。低技術移民？點解咁似講緊部分錢唔夠使、英文唔掂、冇乜專業技能嘅移英黃絲嘅？紀惠集團行政總裁湯文亮就表示，有鑒於此，憑BNO Visa過去英國嘅港人，5年後申請入籍可能真係危危乎也！

湯文亮並不認同柏斐文的言論。湯在社交媒體指出：「其實，是英國害了低質素移民，因為英國有權不接納他們，如果接納，就不能怪那些移民，甚至話他們低質素。」講得有道理！

湯文毫亮質疑，請人都要面試，看其是否合適，但「英國唔理BNO拿（BNOer）能力，總之啱條件就可以入境英國」。他估計，5年後「BNO拿」申請做正式移民有難度，「或者到時超過一半人不合格」，更悲觀地預測「如果不能送回香港，就要去盧旺達」。

睇返英國Cap水至上、著數至上的「黑歷史」，湯文亮的預言未必不會成真！以英國前首相約翰遜為例，佢曾鬧爆法國懶理難民跨越英倫海峽湧入英國，跟手就喺非洲嘅盧旺達設立收容所，當冇錢開飯嘅時候，仲講咩道義喎！如果英國經濟情況繼續加劇，真係難保香港BNO人士「移英」變成「移盧」，盧旺達個盧呀！

如果湯文亮嘅預言成真，對於BNO移英港人嚟講，金翅真係大鑊鳥！祝你哋好運！英國政府愛你，除非唔愛～

原圖：星島日報

https://image.stheadline.com/f/1500p0/0x0/100/none/acabec934dedcb68760a6dd6bc0d2d18/stheadline/inewsmedia/20200809/_2020080907325430378.jpg