美國總統拜登今年底將屆80高齡，老人家難免眼矇矇，睇錯嘢唔出奇，之前同空氣握手、亂拖女性嗰啲事，我哋都唔好怪佢，要體諒，大家都會老嘛！不過，近日佢唔知係咪解鎖新技能，睇到啲你同我都睇唔到嘅嘢！

話說早幾日拜登出席白宮飢餓問題會議時，喺會上竟然問已故議員Jackie Walorski喺邊？要知道，Jackie Walorski喺8月3日一宗交通意外中喪身，拜登都有發出過哀悼聲明，冇理由唔知佢己仙遊。今次登伯伯咁嘅表現，真係令人擔心佢身體狀況，佢總統任期仲有成2年，美國人點捱呢你話！