試射再次延期，NASA登月火箭能否順利起飛？一拖再拖嘅美國登月火箭「太空發射系統」（SLS）再次延期，今次係因為極端天氣問題。由於熱帶風暴伊恩迫近位於佛羅里達州東海岸嘅發射站甘迺迪太空中心，基於安全為由，美國太空總署（NASA）只能將原定27日試射嘅計劃再度押後，已經係一個月內嘅第3次，前兩次延期嘅原因係燃料洩漏。

NASA表示，會繼續密切關注風暴嘅走向，另外準備將火箭運離發射台，以免受到強風影響。據了解，位於發射台上嘅登月火箭有30層樓咁高，可承受時速137公里嘅強風。有消息指，下一次火箭嘅試射日期將會在10月17日至31日之間。

美國個「太空發射系統」試射困難重重，唔知第4次能否試射成功？

原圖：NASA、素材網