英女皇駕崩,由73查理斯接任皇位,是為查理斯三世。臨老登基,查理斯三世人氣遠遠不如母親加上年紀大機器壞,單是看到他一對香腸手,已令人甚為擔心其健康。查理斯三世這英皇之路不易行,尤其是英國經濟陷入百年危機,通脹加上GDP縮減,現狀十分唔掂,還要繼續「供養」花錢如流水的皇室,難保不會引發民怨,令國人上街要求廢除君主制度。
為免皇位危機,有消息指查理斯三世扭盡六壬,想出慳皮大法,擬縮減皇室核心成員數量,把人數減至7人,一於養少幾個,即是未來英國皇室成員就只有查理斯三世、皇后卡米拉、威爾斯親王威廉及皇妃凱特、安妮公主、愛德華王子伉儷。至於哈里和梅根,sorry,冇得留低了!
節流之外,還須開源,查理斯三世想出絕世屎橋,打算開放皇宮,把自己屋企改作景點,賺返多少入場費幫補。連國皇都要前舖後居搲銀,英國有幾唔得掂?一眼睇晒啦!
其實現時英國情況,要人民課金交稅養住成個皇室,真係苦了人民,何不廢除君主制,人人平等,查理斯三世就唔使死慳爆慳,國庫又可以剩返多啲錢幫助人民,有得諗喎!
原圖:Charles, King of the United Kingdom Facebook
投票已截止,多謝支持