繼續關注《羊村》繪本案！自去年7月警方採取行動，拘捕前香港言語治療師總工會5名成員——分別為工會主席黎雯齡、副主席楊逸意、秘書伍巧怡、司庫陳源森，以及理事方梓皓，更落案控以「串謀刊印、發布、分發、展示或複製煽動刊物」罪。

《國安法》指定法官郭偉健昨於區域法院裁定，全部被告罪名成立。案件押後至9月10日求情及判刑，期間所有被告需續還押。

其中案中最精彩部份係，辯方提出爭議，認為控罪唔合憲，過分限制言論自由。法官郭偉健就一針見血講明，當中提到香港喺2019年嘅反修例運動，經歷長久嘅社會動亂，逾萬人參與極之暴力嘅行為，宣揚港獨及自決等訊息，簡單嚟講顯示佢哋「不認可中央對特區的主權」。

郭官仲指，雖然《港區國安法》公布後，香港社會已平靜下來，但暴亂者只係潛藏、種子仍在。佢形容政治形勢「表面上平靜，但內裏反覆無常」，因應呢個情況，有必要維護國家安全，防止暴亂再次發生。咁控罪合唔合憲？郭官最後總結，本案控罪對言論及出版自由的權利施加限制「實屬必要」，裁定咗控罪係完全合憲。

法官所言極是，控罪合憲係合理結果，犯法當然要找數，唔好諗住唔洗負責任！期望法庭嚴正的審訊裁決，予社會明確指引，以正視聽！

原圖：星島日報

https://hd.stheadline.com/news/realtime/hk/2352108/