佩洛西竄訪台灣一事犯眾憎,引致北京派解放軍圍台演練,沉默咗好耐嘅拜登終於就此事發聲啦!美國總統拜登當地時間噚日(8日)首度就台海軍演回應,佢表示雖然唔擔心北京對美國眾議院議長佩洛西訪台嘅反應,又話唔覺得北京會有進一步行動,但就坦言擔心解放軍今後嘅行動會一如而家咁多。
拜登喺上月21日確診新冠,之後一直接受隔離治療,但喺同月30日又檢測到「復陽」,只好繼續治療。直至前日(7日),拜登終於連續兩日病毒檢測結果呈陰性,成功「出關」。呢段隔離期,佢正好「完美錯過」佩洛西訪台一事。而家終於露面嘅拜登,噚日從特拉華州前往肯塔基州勘災時,有記者話大陸似乎將台灣包圍住,問拜登擔唔擔心台灣情況。拜登就死撐話「唔擔心」,仲話唔認為中美之間嘅事態會進一步升級喎。當記者問到拜登覺得佩洛西訪台係咪一個錯誤決定時,拜登說就拋番個波出嚟話「呢個係她嘅決定」。
放心,祖國反制行動陸續有嚟!
原圖:總統拜登facebook、國防部
https://www.facebook.com/photo.php?fbid=496989775761324&set=pb.100063509179160.-2207520000..&type=3
投票已截止,多謝支持