無綫日前喺將軍澳電視城舉行《2022 年上半年度傑出員工嘉許計劃頒獎典禮》，而年度熱爆綜藝節目《無窮之路》嘅一班幕前幕後亦得到嘉許。得獎者包括主持陳貝兒、幕後功臣岑應（新聞及資訊部）及陳金華（製作統籌部）。

又有獎攞嘅陳貝兒當然非常開心，更透露入行接近20年拍咗好多深刻嘅節目，其中《無窮之路》就為佢帶嚟非常豐收嘅一年！被通知獲獎嘅時候，佢正正喺內蒙拍攝節目，感到莫大鼓勵，亦非常多謝公司對佢嘅認同，幕前嘅成功亦有賴台前幕後一齊努力。問到想唔想加人工，佢話當然想，但係工作機會最緊要，亦都唔單只係一份工作，係令佢眼界大開嘅機會。佢因為工作喺內地逗留接近九個月，最近先返嚟香港。好快又要返內地繼續開工，今次仲唔知道會留幾耐。

而另一位一同獲獎嘅節目功臣岑應，亦都對獲獎感到非常開心。話拍攝無窮之路好似上咗國民教育課咁，親身感受同見識到當代中國嘅發展，完全打破咗佢舊有嘅想像。更透露第二輯《無窮之路2 》已經拍好，而家正如火如荼地咁做緊後期工作，今次內容涉獵嘅層面更廣，去拍攝嘅地方更多。佢覺得內容非常精彩，希望觀眾到時亦會鍾意同繼續支持。

說好中國故事嘅節目，我相信大家一定支持！

原圖：文匯報

https://www.wenweipo.com/a/202207/20/AP62d71599e4b033218a5898b6.html