母親的愛總是令人感動！有單親港仔日前喺某討論區發帖，話自己跟母親一齊做地盤，先感受到佢嘅辛勞，仲激動到喊添！

該名港仔喺帖文話，自己細細個就父母離異，學歷唔高嘅母親為咗養大佢，去咗做地盤工，一做就做咗十年搞到身體五勞七傷。港仔畢業後本來做梗較輕鬆嘅工作，卻因疫情而冇得撈，但又唔想做「廢青」，就跟母親去做地盤。但地盤工就梗係辛苦啦，港仔話自己做過兩年gym，都算練過吓，但都推唔郁手推車上嘅3包水泥，佢諗住轉吓姿勢點知仲反埋車，最後都係要母親幫手。

佢仲話直到午膳時間，食住母親晨早起身整比佢嘅午餐，先至明白自己曾經睇唔起地盤工人有幾錯，亦體會到母親多年嚟嘅辛酸。當母親問佢夠唔夠食時，他仲感動到忍唔住喊咗出嚟！呢則帖文被網民勁like，大家都被呢份母愛感動，仲叫該名港仔好好孝順母親，「對佢好啲喇」。

無論仔女係點，母親永遠都係佢哋最堅實嘅後盾！母愛真係好偉大，大家都要記得孝順母親啊！

原圖：星島日報

https://image.stheadline.com/f/1500p0/0x0/100/st/82082cd0432abd91f4b5acf32c34992f/stheadline/inewsmedia/20210114/_2021011417315284082.jpg