食肆違反防疫措施,梗係要罰!前日(5月31日),黃到發黑的食店光榮冰室旺角店,被警方執法人員發現有一名食客冇掃安心出行,因而被罰暫停晚市堂食14日(6月1日至14日)。
警方嚴正執法理所當然,但光榮冰室就唔係咁諗喇。光榮冰室當晚就喺社交專頁發帖大呻,話呢名食客係有出示「安心」同埋針紙,但當執法人員到場之後,呢名食客就話自己冇掃「安心」;店經理立即翻查閉路電視,係清楚見到佢有掃。
警方表示,執法人員發現該名18歲食客未按規定在進入食肆前掃描安心出行二維碼,違反《預防及控制疾病(規定及指示)(業務及處所)規例》(第599F章),已對其發出罰款通知。警方指出,食肆無確保食客掃安心或填表,同樣違反了599F,故向食肆負責人發出存票。
當然,光榮就唔多忿氣喇。光榮喺帖文表示,「今次真係刷新三觀」,對禁14日晚市堂食強烈不滿,仲指責警方不聽在場職員解釋同埋閉路電視畫面喎。
講真,如果光榮話食客有掃「安心」,肯定有確鑿紀錄嘅,警方又點會向你發傳票先?黃人有個慣常套路,就係有理冇理,乜都明示暗示政治打壓先,搶佔所謂道德高地,大家都見怪不怪囉!支持警方按章辦事,嚴正執法!
原圖:光榮冰室Facebook
https://www.facebook.com/%E5%85%89%E6%A6%AE%E9%A3%B2%E9%A3%9F-Kwong-Wing-Catering-116149449769292
投票已截止,多謝支持