唔知民主黨心裡面有乜盤算，舊年集體缺席立法會選舉，尋日（31日）竟然發信畀候任特首李家超，玩「建言獻策」！都唔知係咪戴定頭盔，驚自己出事！

民主黨喺信中提出咗包括政治、經濟、土地房屋、勞工福利、醫療、青年、教育、環境交通、民生市政、消費者權益以及動物權益總共11個方面嘅建議！簡直係包羅萬有，咁多意見，點解舊年又唔參選立法會做代議士呢？

但認真睇返信中內容，發現政治同青年呢兩段暗藏玄機！原來民主黨係想新政府廣納不同政見（即係佢哋嘅政見？），重建與市民之嘅互信，收窄社會事務上嘅分歧；最蠱惑嘅係，原來佢哋仲建議特赦被還押及已經在囚緊嘅黑暴示威者！佢哋嘅藉口係，要放咗人先代表得到政府想同青少年重建關係喎！原來兜咁大個圈，洋洋灑灑寫咗4200幾字，目的係想甩身咋！

點解要特赦啲青少年罪犯先可以證明到政府釋出善意？定還是民主黨驚自己都會出事，所以想戴定頭盔？總之，一句講晒，發夢都冇咁早！

原圖：民主黨、羅健熙Facebook

https://www.dphk.org/index.php?route=news/news/detail&id=2906
https://www.facebook.com/photo/?fbid=254208699403129&set=a.254208656069800