黑暴紀錄片《時代革命》今日喺網上平台vimeo上架，但係要畀錢先睇得囉！

相信各位看官應該都有留意到，《時代革命》嘅導演周冠威為咗甩身，幾日前自爆舊年（2021年）已經將紀錄片嘅版權賣咗畀一位外國友人，懶係事不關己咁。暫且唔講佢住，講返齣「播獨」紀錄片，佢個官方社交平台宣傳得不知幾咁火熱，又「全球公映」，又「希望大家廣傳」。但上返vimeo搵返條片，原來係要先登入或者加入vimeo，然後要再選擇「租借」或「購買」先可以睇全片，否則就只能睇大約2分鐘嘅片花。睇返個價錢，真係不得了！租借48小時線上睇盛惠11.29美金（約88.6港元），購買（線上串流）就高達18.89美金（約148.3港元），呢啲價錢，喺香港夠入戲院睇imax超級英雄大片啦！

睇嚟《時代革命》行嘅都係黃友最慣常嘅嗰一招：以信念之名行掠水之實，實行播獨兼掠水！唔知今次黃友們收唔收貨？

原圖：vimeo《時代革命》頁面截圖

https://vimeo.com/ondemand/revolutionofourtimeseng/696116175