美國總統拜登為咗踩中國,真係乜都噏得出!話說拜登昨日(24日)同日本、印度和澳洲三國領導人喺東京舉行「四方安全對話」會議。據報拜登仲另外同印度總理莫迪進行咗閉門會議,喺會上拜登大讚莫迪面對新冠疫情上做得好好,成功咁用「民主」嘅方式應對到疫情,向世界展現咗民主國家可以用民主嘅方式做到嘢。
究竟乜嘢叫做「民主方式抗疫」?係一人一票嘅方式抗疫,定係「人人有份永不落空」式抗疫?拜登係咪覺得確診數字越多越好?只有拜登自己至知喇!世人只係知道,目前為止,美國同印度兩個民主大國,分別排喺新冠肺炎累計確診人數嘅前兩名。用另一個方式講,即係抗疫倒數第一喪讚倒數第二做得好好,然後批評「抗疫優等生」中國乜乜物物,美國邏輯真係好感人。
呢番偉論,係傳媒引述自一位印度高級官員。呢位官員仲爆料,話拜登應該係即興發表「偉論」。據講拜登仲話印度「抗疫成功」,打破咗中俄可以更好地處理各項世界多變事務上嘅神話添。即興即到你咁勁,拜登確係好嘢。
拜登咁樣盲吹莫迪好波,教曉咗大家一句網語:「尬吹」,即係不分青紅皂白,無腦吹捧,讚到天上有地下無,令人覺得尷尬。拜登,你係得嘅!
原圖:拜登Twitter、莫迪Twitter
https://twitter.com/POTUS/status/1519472585637040128/photo/3
https://twitter.com/narendramodi/status/1529047188374179840/photo/2
投票已截止,多謝支持