世局風雲激盪！俄烏戰事看似有排玩，因為幕後有美國佬搞風搞雨！北約又乘機招兵買馬，拉攏瑞典、芬蘭加入，更想擴張至亞太地區甚至全球。澳洲變天，工黨時隔9年再執政，新總理阿爾巴內塞甫就任，即飛日本赴「四方安全對話」（Quad）峰會，與美、日、印度領袖會晤，相信離唔開討論對華議題。

各位，即使工黨取代自由黨嘅莫里森擔任澳洲總理，澳洲親美反華的路線肯定不變。道理簡單不過，澳洲政府去年係工黨支持下，已經同美國、英國結成「三方安全聯盟」，呢個聯盟涉及英美轉移核動力潛艇嘅尖端軍事科技予澳洲，目標就係得一個：遏制中國係印太地區嘅影響力。呢項技術並非一時三刻話轉移就轉移，據悉要2040才可完成，咁，即係話澳洲政府，未來十多廿年，邊個上台執政，反華政策，應該不會改變！

呢嗱！今年79歲嘅美國總統仍僕僕風塵，乘坐「空軍一號」出訪南韓和日本，老人家日前從南韓轉日本，就係為參加喺東京舉行嘅四方安全對話會議，據報會公布應對中國非法捕魚嘅倡議！

阿哥，拜登總統，一個就八十歲嘅老人家千里迢迢，不遠萬里而來，為嘅就係「討論中國非法捕魚」？除咗呢個「四方安全對話」，美國圍繞亞太議題仲有「五眼聯盟」、「三方安全聯盟」（AUKUS）等，名目繁多，而其目的，無非將目標轉向亞太，大力鼓吹「中國威脅論」，就是要圍堵中國、對付中國！相信佢為中國「非法捕魚」而來，不是太天真就是太幼稚！

中國外交部長王毅指出，美方熱中於拉幫結夥搞「小圈子」，企圖圍堵中國，讓亞太國家充當美國霸權嘅馬前卒，印太戰略最終必然失敗。

依筆者看，烏克蘭「國小而不處卑，力小而不畏強」，事實上，一切都由美國背後操縱，這是眾所週知的，烏克蘭總統澤連斯基根本就係德薄而位專，智小而謀大之徒，烏國難逃大劫也。

國際風雲再如何激盪，只要中俄雙劍合璧，美國再努力搞乜鬼亞太圍堵、千眼聯盟都好，看來都係吹中國唔漲！有啲黃絲盲目日日喺Facebook 唱衰中俄必敗，甚至消失於世界舞台，那是偏激失智、杞人憂天而已！美國佬還是顧好自己國內經濟、控好疫情再重出江湖吧！這樣講句話先會有力量。

原圖：素材網

https://pixabay.com/zh/photos/dollars-currency-money-us-dollars-499481

https://pixabay.com/zh/photos/coronavirus-disease-covid-2019-5060522