近年唔少港人選擇移民，爭住去吸自由空氣！不過吸還吸，有位移民英國半年嘅港人似乎對一班炒英國樓港人有啲微言啦，佢指唔少香港人喺當地不斷買樓放租，到處提價搶樓，令英國樓價攀升，搞到唔少自己人要捱貴租喎，對此引起唔少網友激烈討論。

有網民認同「係需要提醒的」、「真係好多人係咁，我好同意你」。但有更多聽唔入耳網民就大鬧事主言論係「道德批判」，「自由市場，價格由市場決定，問題不在買幾間屋的人身上吧」、「有錢買樓是原罪？」、「人哋真金白銀，去安居樂業，竟然有人空口講白話咁樣，會影衰香港人？」。

對於網民嘅言論，事主解釋從無說英國樓價攀升只有「香港人推高」這原因，只話係其中一個影響性，助長性等，佢亦希望佢講嘅「香港人遭人唾棄，指日可待」唔會真係實現喎。

難得一班無賴炒家仲咁理直氣壯，認真佩服呀！等睇畀英國人鬧爆所謂嘅移英港人啦！

原圖：素材網