近日網上討論區有位港媽出Post，話丈夫想趁機會移民，等小朋友可以接受較好教育。港媽列出她們自身條件：英文麻麻、兩個小朋友5歲同1歲、冇積蓄、有車有樓、家有70多歲老人家。港媽擔心去到英國難搵食，又要拋低父母。縱使丈夫拍心口表示去到英國會搵工，但枕邊人太了解他，說「肯定佢得個講字」，力數老公有幾「唔掂」。若然對調由女方工作，男方湊小朋友就只會「電話、電視同遊戲機放題」，最終夫妻倆為此冷戰。

網民對港媽事件提出意見，指香港也有高質素教育，又有人表示，認為她們去到外國只會吵得更厲害，其中一位網民就點出真理「無心無力，錢不多，要三思」，確實，移民並非去旅行，須要有一定財力，若然錢不多，擔心生計，認真要三思。

原圖：星島日報

https://std.stheadline.com/realtime/article/1772696/