老美唯恐天下不亂，得閒無事就挑釁中國！美國國務院官網5月5日更新嘅「美台關係」頁面上，竟然刪咗原本2018年版本寫有嘅「台灣是中國的一部分」以及「美國不支持台獨」字句！只係強調台灣係美國喺亞太區嘅關鍵夥伴，並以《台灣關係法》、中美三個聯合公報和對台灣嘅六項作保證云云。雖然美國國務院強調，美國嘅「一中」立場並冇變，但係呢次刪改，挑釁中國嘅意味表露無遺。

對此，內地學者、復旦大學美國研究中心副主任信強一針見血咁表示：美國咁樣係不斷挖空「一個中國」政策。雖然美國喺名義上仲堅持緊「一中」立場，但實質上已經同以往有好多分別，甚至可以話係大大弱化呢個政策原則。

呢位學者的評論可謂係一針見血咁將美國方面嘅野心同企圖戳穿。美國一直想借台灣牌嚟干預、影響中國嘅向前發展，目的就係想鞏固其世界第一大國嘅地位，但無論美國點做都好，都唔會阻止中國堅定向前嘅和平發展！再一次強調，一中原則不容侵犯！

原圖：美國國務院

https://www.state.gov/u-s-relations-with-taiwan/