無綫扶貧紀錄片《無窮之路》自去年播出後大受歡迎,節目主持陳貝兒(Janis)隨即爆紅,唔單止獲評為「感動中國2021年度人物」,《無窮之路》更被國家廣播電視總局辦公廳評審專家團隊選定為2021年度20部「優秀海外傳播作品」之一。
Janis近排接受《人民日報》專訪,大談拍攝《無窮之路》嘅感受,更透露《無窮之路2》開拍在即,仲話「誠邀大家一起和我再次踏上旅途。多認識、多了解。」相信唔少觀眾聽到呢個消息都非常期待!
佢仲話自己出發前已做好「功課」,將拍攝節目視為結交朋友嘅機會,而拍攝過程中佢亦非常投入,特別係進入「懸崖村」時需要爬上2,556級嘅鋼梯,過程雖然艱辛,但佢大受啟發,仲被村民們堅持不懈嘅精神打動。
Janis仲話拍攝《無窮之路》令自己同大家多咗認識中國嘅扶貧計劃,亦體驗香港精神︰「只有5個人就可以拍出讓大家有共鳴感嘅節目,係因為我哋秉持著香港人嘅精神,肯博肯捱,不怕辛苦,能吃苦拼博。」
相信兩地觀眾對聽到有新一輯《無窮之路》,都感到非常雀躍,我哋港人亦為有咁出色嘅主持同製作團隊而感到驕傲,期待有更多說好中國故事嘅作品帶畀香港朋友!
原圖:陳貝兒Facebbok 圖片
投票已截止,多謝支持