為抗擊新冠疫情,港府收緊防疫措施,各行各業大受影響,唔少行業都要停工關門。有見及此,港府早排推出「防疫抗疫基金」,只要月薪低於3萬蚊,暫時失業最少一個月嘅人,都可以申請一萬蚊嘅「臨時失業支援」。
然而唔少基層市民都未能受惠,港府上月初將髮型屋/理髮店納入表列處所中,原定停業至4月20日,惟港府近日突然宣布上述行業獲准3月10日起重開,搞到佢哋手忙腳亂。
而髮型屋嘅基層員工更損失慘重,因為髮型屋停工未夠30日,變相未能申請「臨時失業支援」,佢哋手停口停又冇政府津貼,真係「好傷」。港府能否特事特辦,向受影響嘅基層市民發放「臨時失業支援」?幫到市民之餘,亦體現到港府與民為善,唔該勞福局局長羅致光快啲做嘢,仲有好多市民生活喺水深火熱之中!
投票已截止,多謝支持