唔經唔覺,咁就一年啦!舊年2月28日,47名泛民人士,涉嫌違反《國安法》,被控「串謀顛覆國家政權」罪。無論是還押的33人,定係保釋中的14人裡,都有好幾個忍唔住呻吓。
身在獄中梗係唔開心啦!林卓廷嘆「走咗入警署之後就無再出過自由世界」,又話「一年過去,莫講話判刑,單案根本就未開始審,自然唔知佢地幾時先可以出返嚟」,仲與其並進咁關心烏克蘭局勢添!聽講黃之鋒之前散庭時,向旁聽師話自己「捱完一碌(1年)」咁話。
保釋緊的人自由啲,紛紛喺社交平台發帖感嘆。楊雪盈話有啲文件而家都未收到,「原來已經一年了」。而余慧明就冇提及案件,剩係憑歌詞寄意,話世事無常,要好好生活。
不過,有唔少被告的社交平台已經好耐冇更新,例如岑子杰、譚凱邦等,就唔知佢地最近點啦!點都好,條路自己揀,相信法律係公平公正的!
本案將於周五(4日)再提訊,估計到時47名被告亦會出庭應訊,作交付至高等法院審理的程序。
原圖:星島日報、余慧明FB
https://std.stheadline.com/realtime/article/1157276/
https://www.facebook.com/wy.winnieyu/photos/145253073790930
投票已截止,多謝支持