新一年的到來，有回顧，當然要有展望啦！油尖旺區前區議員陳梓維（維維）昨天（1日）在社交平台貼文，除了祝大家春節快樂外，亦不落俗套咁做吓回顧，話自己由一個寂寂無名的小子做咗議員，然後又急流引退。不過呢啲唔係新事，大家都知，但維維原來有新料爆，話前度的家人嫌佢窮；對方質疑維維「點養得起我個女」，又話「你都見我出入揸依架（寶馬）啦」，原來對方屋企都幾有錢添！

維維帖文講番件事，話自己當時冇出聲，但而家就明白「每個人都應該有主動爭取幸福快樂權利，不應有階級之分、亦不應該拎終身幸福換取家業成就利益；愛情，不是用金錢堆砌，而用絕對坦誠去對待。」維維而家明白咗呢個道理，好叻仔喎！但是，有網民的重點竟然唔係維維終於悟出大道理，而係注意到另一件事，仲留言話：「唔係話想踩你，真心估唔到你都有女朋友」。

不過，維維後來做咗一段時間區議員，人工有得咁上下，應該都儲到唔少錢啦！雖然唔知佢準備緊咩「人生大事」，都係講聲「恭喜」！

原圖：星島日報

https://std.stheadline.com/realtime/article/1572094/