北京冬奧舉辦在即，西方反華媒體似乎搵唔到其他抹黑中國嘅地方，近日就有來自加拿大個研究機構指出，冬奧會嘅手機應用程式有安全漏洞、會洩露私隱之類。但問題就係，呢個手機應用程式已經獲得國際奧委會、蘋果公司、谷歌同三星手機等應用市場審核，獲得通過。明明係權威機構都已經認可嘅APP，加拿大個所謂研究所就係話有問題，但又冇提供乜嘢實質證據，呢種無端抹黑嘅行為真係令人髮指。

相信世人嘅眼睛係雪亮嘅，抹黑呢種行為將會喺冬奧開始之後被人唾棄。從近兩年嚟疫情嘅防控就可以睇到，中國係世界上為數不多，真真正正為咗人民生活努力務實抗疫嘅政府，同埋全國上下同心同力，對抗疫情，已經取得巨大嘅成效，就算近期變種病毒有擴散嘅現象亦都好快被迅速嘅防疫措施阻斷。

諗起2008年汶川大地震之後，經歷苦難嘅中國人民克服重重困難，舉辦咗一屆空前成功嘅夏季奧運會，相信呢兩年嘅困境，同樣唔會阻擋中國人民全心全力舉辦一屆最成功嘅冬季奧運會。至於別有用心嘅反華媒體，你哋好快就會知醜喇。

原圖：新華社