12月19日星期日就係香港警隊成功止暴制亂、《港區國安法》訂立、完善選舉制度後第一場立法會換屆選舉，筆者喺呢度亦不免俗呼籲各位香港市民，一定要記得去投票！

你問點解要投票？今次就唔同你講乜嘢公民責任、乜嘢國家大義呢啲咁高尚嘅嘢喇，叫大家去投票嘅原因非常簡單粗暴，只有一個，就係狠狠咁向黃友臉上摑一大巴！

黃色陣營喺前年區議會選舉時極力爭取席位，何以喺今次立法會選舉一反常態，大吹白票棄權風？原因亦都非常簡單粗暴，咪就係明知道自己會輸，驚樣衰咪話唔參與囉！

雖則未知今次選舉結果如何，但筆者大膽預言，黃色陣營嘅慘敗已經板上釘釘，係鐵一般嘅事實，香港人喺12月19日需要做嘅事就只有一樣，就係到票站投下神聖一票彰顯民意，狠狠咁往窮途末路嘅攬炒派、黃黑勢力嘅臉上踩上一腳，誓要令反中亂港者永不超生，愛國愛港者一齊笑住咁睇黃友喊！

原圖：星島日報

https://image.stheadline.com/f/1500p0/0x0/100/none/d7492e2a5962c4f0fe8b54886ba162d7/stheadline/inewsmedia/20200803/_2020080307522964461.jpg