前無綫娛樂主播林子博早前帶仔女去英國展開「新生活」，事後曾於自己嘅Youtube頻道大呻，指自己去咗英國一個月都仲未搵到住處，又話自己未能成功安排仔女返學，被網民反批評佢準備不足。昨日，林子博再於其Youtube頻道分享近況，至今移民英國兩個半月嘅佢，表示依家終於搵到落腳點啦，不過又狂呻單位甩漏咁囉！

林子博表示，現時算係安置好，搵到落腳點，孩子亦找到學校，展開新生活。林子博透露現以$1100鎊（約$12000港幣）租下一個公寓單位，雖說包晒傢俬、電器、車位，覺得幾抵，但又大呻單位處處甩漏，設計唔人性化，包括淋浴間嘅牆壁冇防霉、洗手盤冷熱水分開兩個水龍頭、浴室大門門鎖一拔即鬆等等。

另外，林子博指一家三口本想於曼城郊區定居，但因為未能為仔女報讀學校，無奈之下搬出市區，喺市區最終成功為仔女搵到學位。

有得住已經好好，好好過你嘅新生活啦！

原圖：子博在英國Youtube頻道片段截圖