棄保潛逃流亡海外嘅許智峯，依然不甘寂寞廢噏當秘笈，不久前佢呼籲選民喺未來嘅選舉中投白票。廉署好快就發文表示，故意妨礙或阻止他人投票或公開煽惑他人不投票或投白票，都屬違法行為。

事實上，許智峯嘅呼籲，連黃絲評論員都指斥佢係政治低能。黃絲評論員指出，如果民主派蜂擁投白票，屆時投票站人頭湧湧，反而會被中共大言炎炎說他們嘅選舉得到港人嘅熱烈擁護，要表達抗議，不投票就是直接嘅抗議。

大家都睇到，「人一黃，腦就殘」，更何況係一向反智嘅小學雞許智峯！不久前，律政司加控佢多項刑事篾視法庭罪，佢就理曲氣壯咁話「藐視香港不義嘅法庭」、「只有控訴，無任何愧疚」。許智峯充分流露「人至賤，則無敵」，捩橫折曲可以去到如此地步。

大家如不善忘，條友仍係立法會議員時，2018年嘅「搶手機」事件，佢亂砌會議室外一命女EO「監視」議員，遂搶去佢手機，匿埋男廁睇人私隱，事後臉不紅氣不喘話「用自己嘅方法」記下手機中嘅資料。其行為舉止無法無天，賤到連民主黨前主席劉慧卿都睇唔過眼，指佢嘅做法恐怖，已不適合留喺議會和民主黨！

許智峯習慣以亂嚟解決問題，例子不勝枚舉，譬如佢曾經喺屯門一場暴亂中，要求被暴徒圍毆嘅男子刪去手提內嘅照片；每逢立法會拉布，佢必定叫囂搞搞震，潑惡臭液體啦、搶文件、搶咪，甚至有肢體碰撞，都必定有佢份。難怪有人就指出，條友咁離譜，竟未曾坐過一天監，呢方面司法制度就真係「不義」喇！

有論者講得好，許智峯欺瞞法院，逃脫追究，仲厚着臉皮「蔑視」一個依法辦事嘅司法制度，都真想唔出佢點樣可以唔感到愧疚？阿哥，講大話嘅係佢，不義嘅亦係佢，而呢條政治低B仔竟可以如此厚面皮，反而指香港法庭不義，混帳到令人齒冷！

咁低能嘅政治小學雞，講少兩句冇人話佢啞吖！

原圖：文匯報 素材網 http://news.wenweipo.com/2018/05/05/IN1805050020.htm

https://pixabay.com/zh/photos/minion-puppets-games-children-631790/