TVB扶貧紀錄片《無窮之路》深受大眾歡迎，主持人陳貝兒更被《人民日報》點名讚！近日，陳貝兒接受媒體專訪時，大談採訪貧困縣嘅感受，陳貝兒指拍攝完《無窮之路》節目回港後，令佢覺得「生活簡單就夠」。

陳貝兒在拍攝《無窮之路》時，同攝製隊走訪中國6個省份，深入10個貧困縣了解各地民生，對於節目獲得讚賞，陳貝兒謙虛表示，「得到的遠比付出的多。」陳貝兒又透露在節目拍攝前有做足準備，除做資料搜集外，亦有搵老師惡補普通話。

陳貝兒又透露自己在拍攝節目後的心態變化，表示因離開繁華嘅香港3個月，到偏遠嘅村落拍攝，令佢有所得著，因在香港有水有電係覺得理所當然，但村民生活從無到有，係翻天覆地嘅變化，所以村民會知道一切都得來不易。陳貝兒又指回港覺得生活簡單就足夠，物質係慾望嘅追求，更指自己現時購物慾亦大大減少。

好節目當然得到大家讚許，陳貝兒亦做得好好，支持妳！

原圖：陳貝兒微博圖片