國安法實施後，唔少喺黑暴中「呼風喚雨」嘅黃獨友都淪為階下囚，唔管以前喺出面有幾「威」，依家都要乖乖面對現實，適應獄中生活。不過有啲人可能做慣「大佬」心理落差大，入冊九個月先識學「適應」喎，講緊嘅就係黃之鋒喇！

前日（21日）正值中秋佳節，黃之鋒喺獄中寫咗封信，話要分享下點樣喺苦難中自處喎。佢喺信中指出，人生處於低潮會有各式各樣嘅念頭、情緒萌生係正常嘅，所以無需逞強話無畏無懼，急於打倒昨日嘅自己，可以學習下點同恐懼共存，佢仲強調，最緊要係「要適應但唔好慣」。哈，唔知讚你「信念堅定」還是笑你反應遲鈍好？

黃之鋒未夠25歲已案底纍纍，佢啱服畢前年6.21非法圍堵警察總部嘅刑期，但仲有前年反蒙面法遊行及舊年六四非法集結嘅刑期未服，合計共14個月。但佢參與舊年攬炒派35+初選，涉違國安法嘅案件先係重頭戲，睇怕黃之鋒嘅牢獄生涯有排未到盡頭。

不過出得嚟行，就預咗要還。有網民串佢「坐得耐就慣啦！」係囉，況且入面仲有咁多好手Joke陪住，點會寂寞啫？希望你長踎長有啦！

原圖：星島日報

https://std.stheadline.com/realtime/article/1515778