黃絲有個反抗心,叫佢唔好做嘅嘢,佢就偏要做,最後結果係點?咪自己攞嚟衰囉。據《明報》報道,有位化名Edward嘅「手足」,喺沙嘴懲教所服刑時,見住一位「手足」刑滿出冊,佢嗰刻冇啦啦「戲精」上位,向出冊「手足」大叫咗句「煲底見!」然後,Edward就被罰加監一個月,達到羈留期半年上限。
Edward接受《明報》時,即指懲教署高層係想打壓政治思想,但又話自己唔敢喺牆內投訴,驚被針對喎。Edward雖然自認意志堅強,冇被牢獄之苦動搖信念,但又指加監一個月係佢獄中最崩潰嘅事。
咩講得咩唔講得,咁大個人點會唔清楚?希望呢位Edward喺獄中好好反省啦!
原圖:星島日報
投票已截止,多謝支持