喺2019年黑暴期間，理工大學曾經被黑暴勢力佔領，同警方展開過一場暴力對抗，如今喺港區國安法嘅威力下，社會逐漸回復平靜，慢慢重回正軌，但係總係有啲搞事份子似乎唔想見到社會安寧。

理工大學學生會學生報編委會出版嘅最新一期學生報被校方要求下架，包括印刷版同埋網上版。

刊物名稱係《理大學生報Polylife 50.1》，全書有80多頁紙，主題係一個「革」字，刊物中有點評高中通識改革嘅文章亦都有學生會幹事會嘅訪問，仲有關於新聞自由已死嘅時間表等等。暫時未知涉及不恰當同不符事實嘅內容具體係邊啲文章。據悉該報已於昨晚下架。

理大回覆傳媒查詢時指出，學生事務處會不時同學生會溝通，希望學生會為其會員帶來積極正面嘅影響。

言論自由唔係無限大，而家已經清晰訂立咗港區國安法，如果都係明知故犯嘅話就要負責任嘅，支持校方下架決定，撐有錯必究！

原圖：巴士的報

https://www.bastillepost.com/hongkong/article/9076017