內地綜藝《披荊斬棘的哥哥》早前開播，一開始網民對呢套綜藝期待值唔高，但播出後收視非常好，更不斷衝上熱搜，當中最多人討論嘅，就係「大灣區五人組」，大灣區五人組有邊個？就係我哋都好熟悉嘅藝人陳小春、 梁漢文、林曉峰、張智霖及 謝天華，五人喺節目中頻頻有搞笑位，睇得觀眾好開心。

節目第一集中，節目組要求五人組一隊時， 陳小春快速將自己嘅兄弟組成一隊，更表示，「先將大灣區坐穩」。網民話陳小春組隊嘅方式猶如「收o靚」一樣，節目效果滿滿。

另外，「大灣區五人組」喺挑選表演咩歌時，擁有最高活力值嘅佢哋竟然揀咗首被指最難嘅歌，歌詞仲包括Rap，「大灣區五人組」事後先知歌曲難度高，聽完個個都唉聲嘆氣，認真搞笑。

節目暫時更新到第二集，各位哥哥們正為演出落力練習中，哥哥們嘅舞台，值得大家期待！

原圖：披荊斬棘的哥哥官微

https://weibo.com/7606396325/KuihmurDM