民陣急匆匆執笠，留下N個問號，包括佢手上嘅資產。錢銀嘢向來複雜，民陣未註冊，也沒有銀行賬戶，所以長期擺錢喺其他會員組織的銀行戶口「託管」，問題就更加複雜。民陣聲稱執笠時約有160萬元資產，「會指示民陣資產託管團體捐給合適的團體」，但傳媒計數指民陣累計款項已逾500萬元，質疑其他數百萬元何去何從。

據《文匯報》引述消息人士透露，「這160萬元其實只是民陣的小部分款項，另外至少還有逾350萬元現金下落不明」；消息人士質疑，「在樹倒猢猻散情況下，不排除有託管團體甚至個人私吞款項」。

不排除有人私吞？

報道同民陣埋單計數，指出民陣所謂160萬資產嘅來龍去脈。其實早喺5月，街工梁耀忠因擔心民陣涉違國安法，街工為民陣代管160萬元會受牽連，故商量過後直接將有關款項全數捐給公益金，之後先話返畀民陣知。報道寫得繪聲繪影：「據悉，當時民陣有人對街工先斬後奏感到不滿，但梁耀忠則憤怒反問︰『如果我畀返你，你敢唔敢攞？』」

如果報道屬實，即民陣籌逾500萬，但只交代了160萬，以民陣素來有賬目不清之嫌，今次事件自然難免令人質疑。警方表明就算民陣執咗都會照樣調會查，市民促請警方一定要查清查楚，民陣亦應該負起責任，開誠布公詳列多年來的資金流向，釋除市民、特別是黃友的疑慮，以免令支持者淪為「水魚」啦，大家話係咪先？

原圖：頭條日報

https://hd.stheadline.com/news/realtime/hk/2169097/

https://hd.stheadline.com/news/realtime/hk/1808131/