上月宣布辭職嘅黃營區議員陳梓維，失糧支後似乎連生活都成問題，戶口僅餘一千三百元。佢今早喺社交平台貼文，以維持地區工作為由，要求24小時內眾籌廿萬作為未來二年零四個月的營運經費。如無人課金就立即停止及跟進所有地區服務，如有人捐款但不足目標，就會將錢捐出去，但都會停止地區服務咁話喎。講到好做得嘢咁，唔知維維為街坊提供過啲咩服務呢？

維維仲好醒㗎，要求有意課金嘅手Joke必須私信佢拎戶口並講明資助金額，以免有不明來歷捐款令佢被告洗黑錢喎。跟住佢再次貼文，show佢剩返1355.42蚊嘅私人銀行戶口結餘出嚟，又聲稱有街坊打算資助佢二千蚊喎，仲話每次有人資助，就會出post公布。

但隨即被網民串爆，有人批評佢「好心搵份工啦你！又冇政治魅力，能力就更加唔評論啦」；有網民仲綴核，形容維維「你確係一名『智將』！」真係講出我心聲！維維你係得嘅！

原圖：陳梓維Facebook圖片

https://www.facebook.com/chantszwai1124