話說小弟上個星期陪咗個朋友去聽一啲所謂嘅移民講座。聽完真係茅塞頓開,終於明白點解咁多人要移民英國。
呢個講座參加嘅人大約有50人,多數都係45歲以上喇,有部份係帶埋20歲左右嘅仔女一齊嚟聽。
講座之前大家就要填寫問卷,要知道大家喺香港有幾多物業同埋幾多身家喇。跟住講座主要都係講大家點樣移民之後喺英國(嗰日重點推介倫敦)生活。
現場有一個地產經紀同一個律師,輪流講下而家係去英國最好嘅時候,因為BNO就可以去到,5+1之後就有居留權,同埋好多人擔心嘅住屋問題、教育問題、就業問題、語言問題喺佢地口中都完全唔係問題,只要香港有樓,就可以賣咗樓,去英國買樓,倫敦400萬港紙就可以買到一個好嘅單位。
如果小弟未去過英國嘅話可能真係信咗佢哋,原來英國咁好,移民咁簡單,今次英國政府仲大發慈悲,有BNO就可以入籍,當然老虎蟹都去喇!
可惜小弟去過英國,知道英國嘅種族歧視有幾嚴重、知道喺英國就業有幾難,自己一個去讀書已經知道辛苦,更可況係移民,邊有可能咁簡單。但係就發現在場嘅聽眾聽嘅如癡如醉。
講座之後係自由問問題時間,小弟周圍聽咗下呢班準備移民嘅人有咩問題。原來都係關心點樣可以轉移資產、點樣可以買樓、租樓之後又唔使畀英國政府抽稅!
同埋大家似乎都有共識,只係想攞英國嘅居留權,但係唔想承擔任何嘅責任,投票權都唔想攞。
咁原來呢啲人所謂嘅移民,就係資產轉移同周圍攞著數啫。
原圖:星島日報、Pixabay素材網
https://pixabay.com/zh/photos/london-flats-urban-architecture-448552/
投票已截止,多謝支持