新任一哥蕭澤頤強勢登場,近日頻頻現身接受訪問,大談黑暴等問題。警務處處長蕭澤頤近日接受《東網》專訪,在訪問中炮轟法律界黑手荼毒青年,更斥法律界黑手「侮辱緊自己嘅專業」。
蕭澤頤談到警方日前就「光城者」策劃炸彈恐襲案拘捕14人,指出當中有9位為中學生,對此望大眾反思該9名中學生嘅角色,更指未來要加強年輕人嘅守法意識。蕭澤頤炮轟社會上有部分法律學者、或是有法律背景人士,向青少年灌輸錯誤觀念,荼毒青年,由早期嘅「違法達義」到最近嘅「悼念孤狼式恐怖襲擊者」,令到年輕人以為訴諸暴力,及違法係解決問題嘅方法,直斥呢啲荼毒青年嘅法律界黑手係侮辱緊自己嘅專業及法律知識。
最後,一哥更叫呢班荼毒青年嘅法律界黑手自我反思,反思吓呢兩年佢哋害咗幾多人、幾多家庭。
一哥鬧得好,年輕人一旦被灌輸錯誤觀念,就好易行歪路,為杜絕有人荼毒年輕人,一定要加強年輕人守法意識。
原圖:星島日報
投票已截止,多謝支持