壹傳媒創辦人黎智英正享受「精彩人生」之際，旗下《蘋果日報》日前亦要遭殃，好明顯執法者從未放軟手腳，誓要反中亂港者付出應有代價，報應要嚟，真係邊個都阻唔到！

猶記得兩年前黑暴高叫所謂「五大訴求 缺一不可」，依家係就係爭取「五・一」成功喇，不過就係「五大高層 一網打盡」囉！壹傳媒行政總裁張劍虹、《蘋果日報》總編輯羅偉光、壹傳媒集團營運總裁周達權、《蘋果日報》副社長陳沛敏同蘋果動新聞平台總監張志偉五位壹傳媒董事，因涉嫌違反《港區國安法》中嘅「串謀勾結外國或境外勢力危害國家安全罪」統統被捕；《蘋果》三公司加埋1800萬港元資產被保安局凍結；就連壹傳媒（0282）亦即時停牌，真係可以用「屋漏兼逢連夜雨」嚟形容。香港人叫「毒果收檔」叫咗咁多年，依家睇嚟，似乎只差一步之遙！

肥佬黎同佢班爪牙咁多年嚟點樣荼毒香港年輕人，相信已經唔使再多講，因為佢哋所帶嚟嘅傷痛，已經深深咁烙印喺我哋香港人嘅骨子裡，家陣警隊國安處出手，香港人只需要相信執法者，並且一人一Like集氣，推到見到《蘋果》玩完為止！

原圖、原片：now新聞截圖、港台新聞圖片、港台新聞片段、星島日報圖片、now新聞圖片、巴士的報圖片、政府新聞處圖片、星島日報片段