國安重犯壹傳媒老闆黎智英一身係罪，正當佢不是勤洗廁所，就係在被押送往法庭的道上！黎智英正在「闖人生顛峰」時，為報答佢「為美國而戰」嘅忠誠，洋主子喺呢個時候都唔知攞景定贈興，名為「美國共產主義受害者紀念基金會」嘅政治組織，宣布黎智英「畢生致力爭取香港自由民主、頑強反對共產主義⋯⋯」，因而頒個「信仰和自由奬」畀佢，由佢個仔代領，話係「勇者被關但沒受控制」喎！

阿哥！名不正則言不順，正如有論者話齋，條友都話自己游水來香港，一無所有。回歸廿多年來，依家佢撈到風生水起，食匀18區美食，住大屋坐靚車，富貴到全世界都有朋友，甚至不乏「紅色水喉」喺佢毒果報大刊廣告！再講吖，共產黨對黎智英做了甚麼？反而其順德黎氏宗親不值黎智英叛國禍港所為，將其逐出祠堂，剔出族譜！

事實係，香港對得佢住有餘，佢自己都承認香港畀佢人生榮華富貴！而講真，黎智英何時何日受過「共產暴政」蹂躪打壓？反之，佢竟恩將仇報，窮畢生之力叛國禍港，仲妄想奪權變天，逼到中央非出手不可，最終迎來國安大法，將其降伏！你話美國佬個奬係唔係搞笑吖？牛頭對不上馬嘴！

如何粉飾都唔會變民主鬥士

剛過去嘅端午佳節，一眾反中亂港份子又抽屈原大夫水，又要乜鬼「送暖高牆，紀念屈原，想念手足」喎！屈原始終「舉世皆濁我獨清」，而這班死性不改、認賊作父、以為做美國爪牙就可以有恃無恐嘅人盡踩紅線，結果呢？國安重犯黎智英就係一個最佳例子！

有人就話，端陽佳節，黎本應係何文田大宅呼朋引類，笑啖各式糭子，品評奢華鮑魚滿漢糭、燒鵝裹蒸糭、黑松露帕爾馬火腿糭、各式鹹甜特色糉！總之，諗起都口水直流三千呎！依家淪落為赤柱監躉，餐餐監躉飯，對識飲識食嘅肥佬黎，都真係一種懲罰！

筆者就覺得，一個人食幾多着幾多，原來真係整定㗎！既然叛國禍港，出得嚟行預咗要還！黎智英出賣靈魂，又點會有屈原嘅家國情懷？明係民族敗類，即使被美國主子如何粉飾裝扮都唔會變「民主鬥士」，唯有「長太息以掩涕兮，哀踎監之多艱」！

壹傳媒依家苦撐，筆者草此文時，國安處逾百警又搜蘋果大樓，並以國安大法第29條「串謀勾結外國或境外勢力危害國家安全」罪拘捕5名《蘋果日報》董事及高層。看來，毒果報命懸一線，難逃風吹燈滅一途！大家不妨拭目以待。

原圖：星島日報

https://std.stheadline.com/daily/article/2298270/