黃絲以為移民就有自由？最終可能只係窮得只剩下「自由」，仲要係佢哋自以為嘅「自由」！早前大批黃絲KOL吹起「移民風」，將離開香港，去英國生活吹得非常快活，搞到有班黃絲心思思，盲舂舂咁就用咗特許入境許可（LOTR）移民英國，結果係點？就係山窮水盡，被迫靜雞雞回流香港！

移英黃絲網上放負

Facebook專頁「港英飛機車大砲」日前發帖，話又有移英黃絲放負，內容指話有人講移民英國有手有腳就得，點知最後窮到燶，話信錯「連登師兄」，以為移民英國就係逃離霸權，點知工又搵唔到，積蓄又冇乜，仲話搞到「抑鬱」喎！

咁熱愛「自由」，講到香港咁差，幾窮都應該要有骨氣，咪返嚟香港嘛，香港多你一個唔多，少你一個唔少囉！