前民間集會團隊發言人劉頴匡，由於涉嫌違反港區國安法，而家仲還押緊。劉頴匡時不時都會寫信畀助手，將佢最新嘅諗法喺社交媒體發佈。

最新嘅信件就喺噚日（17日）發佈咗，信中冇咗早排輕鬆幽默嘅字句，反而變成好多怨言同有啲醒覺添。佢話知道好多手Joke準備移民，呼籲大家唔好走，因為佢係為咗大家坐監嘅，希望佢嘅苦難可以成為手Joke勇敢堅持留低嘅理由。

佢話：「兄弟爬山總唔可能係我爬獅子山而你爬阿爾卑斯山。我已經盡咗力兌現對其他手足許下過嘅『齊上齊落』承諾，我最大心願係將來出獄仍然可以見到我心愛同熟悉嘅香港，而非深感決定留港坐監係人生最onX嘅抉擇。」

佢仲話天氣熱寫信好吃力，比起春天時候辛苦兩倍有多。睇嚟劉生你年紀輕輕、但身體麻麻哦。其實，係話你傻好呢？定係話你天真好呢？咁多政棍著草你唔講？竟然話手Joke放棄？你都係慢慢踎，諗清楚啲先啦！哈哈！

原圖：星島日報

https://std.stheadline.com/realtime/article/1329502