自從新廣播處長李百全上任後，港台新人事新作風，好事連連，李百全除咗出手抽起有問題節目外，最值得一讚嘅，就係佢唔同黃主持利君雅續約，決定放利君雅自由，唔會好似前廣播處長梁家榮，死拖爛拖，就係唔肯「放棄」利君雅。由李百全唔同利君雅續約嘅舉動，筆者大膽預言吓，港台有望炒晒黃主持？如果係咁，下一個唔該有請蘇敬恆！

高志森何君堯曾點名鬧

蘇敬恆，相信大家都好熟悉，一個雖然冇利君雅咁有討論度，但絕對都係黃嘅港台主持，黃成點？黃到主持嗰陣偏幫黃友，而被名導高志森、立法會議員何君堯及理大校董劉炳章都點名鬧過，當中何君堯更狠狠地鬧過蘇敬恆「提問垃圾誤導大眾」！

呢啲立場偏頗嘅黃主持，喺港台存在只會造成負面影響，筆者呼籲李百全炒蘇敬恆，而筆者做唔做預言家，就有待睇李百全會唔會再出手啦！

原圖：港台節目《視點31》截圖，港台節目《城市論壇》截圖