鏗鏘集編導蔡玉玲昨日(5日)喺社交媒體發文,宣佈已委託律師就虛假陳述罪罪成案件上訴(請按此重溫),文中蔡玉玲仲慷慨激昂咁論述咗自己上訴嘅理由,同埋話港台開始清洗歷史記錄、移除「正直稱職記者」咁話哦。咁都未算,接受黃媒專訪時,蔡玉玲仲鬧爆李百全係一個人話事,話李百全整頓港台,抽起鏗鏘集節目嘅行為,係不負責任同無知嘅表現喎。
其實蔡小姐咁大動肝火都係情有可原嘅,喺專訪中佢提到,過去10年係幸福嘅10年,由合約員工做到變成公務員,再放棄公務員之後、又在用CAT II身份返港台,唔知嘅人可能以為港台係蔡小姐屋企人開嘅添。蔡小姐透露喺港台嘅10年有有最廣闊的空間、最好的團隊。呢啲都係納稅人嘅錢啊,港台出名製作費、人工貴,你攞住咁多資源梗係爽啦,結果就用最好嘅資源、最好嘅團隊去做最勁嘅反中亂港節目囉!
對於蔡小姐橫批港台同李百全,大家點睇?歡迎留言同Share。
原圖:港台新聞截圖
投票已截止,多謝支持