黃友陸續跳船,恭喜又多一個!呢次辭職嘅係曾與著草議員許智峯並稱「中區孖寶」嘅民主黨吳兆康!吳兆康昨晚在社交網站貼文,宣布「我辭任中西區區議員,五月起生效」。
十年前,在許智峯當選中西區區議員時,吳兆康則擔任中西區區議會增選委員,成日一齊落區。二人曾因於區議會抗議,遭警察抬走。2015年,吳兆康當選中西區半山東選區區議員。在許智峯2016年當選立法會議員後,吳兆康仲同對方一起落區謝票,許智峯自封二人做民主黨的「中區孖寶」。不過自從舊年許智峯辭任立法會議員,再走佬海外後,吳兆康就低調左,現在喺宣誓修例草案前夕仲突然辭埋職添。
自政府宣布包含區議員宣誓的《2021公職(參選及任職)(雜項修訂)條例草案》後,至今已有超過10名區議員辭職。草案將於5月12日交付立法會大會恢復二讀辯論,若被通過,全部現職區議員都要宣誓擁護《基本法》和效忠香港特區,否則將會被奪區議員資格(DQ),5年內亦不能參與相關選舉或擔任選舉公職。
吳兆康此次在無交代任何理由下辭職,被廣泛質疑係逃避宣誓。一句到尾:就好行夾唔送!
原圖:吳兆康Facebook
https://www.facebook.com/siuhongng/posts/4378053548893768
https://www.facebook.com/siuhongng/photos/2702323153133491
https://www.facebook.com/siuhongng/photos/2492939040738571
投票已截止,多謝支持