反對派搞到香港七國咁亂,雖則已有唔少黃友出走香港、反對派立法會議員已經總辭,令到香港社會回復平靜不少,但香港仍有唔少搞事之人,以及搞事團體存在,當中包括成員走得就走嘅公民黨,前刑事檢控專員江樂士,日前在《中國日報香港版》撰文,點名批評郭榮鏗、楊岳橋、郭家麒、譚文豪等人,更要求病入膏肓嘅公民黨早日解散。
江樂士在文中大數公民黨政棍罪行,江樂士點名郭榮鏗、楊岳橋、郭家麒、譚文豪和陳淑莊,批其信美國參眾領袖,乞求美國出手干預香港事務,更大數郭榮鏗主持內會時拉布嘅罪行,斥其以上罪行罪證確鑿。
江樂士又指公民黨潰散在即,恥笑宣布退出公民黨嘅楊岳橋、譚文豪和郭家麒確實已完成任務(顛覆「一國兩制」、勾結外部勢力、製造亂局迫使中央出手立法),故指已經病入膏肓,理應成為歷史嘅公民黨,一早就應該解散。
另外,江樂士指郭榮鏗雖在逃,但認為警方應深入調查其在港同黨,表示陳淑莊、涂謹申及葉建源目前仍在港,而這些人嘅行為仍有可疑之處,故要求警方介入調查。
認同江樂士所言,公民黨存在嘅價值就係搗亂香港,而且公民黨現時都只係苟延殘喘,沒有出路,既然如此,不如摺咗佢啦!
原圖:星島日報、巴士的報
投票已截止,多謝支持